Ang Sqwander ay Ruma-Rank na rin!

Posted by izeleon on June 28, 2011 · 8 Comments 

Opo, kamakailan lamang ay nagkaroon ng malaking pagbabago sa ranking ng Google PR. At ang isang nakakatuwang bagay ay tumaas ang ranggo ng aking Xleon Tips na mula sa PR0 ay naging PR2. Samantala, nanatili namang PR3 ang aking Baul ni Noel pero ang isang nakagugulat na bagay ay ang pag-rank din ng Sqwander.

PR1 na po ang Sqwander. At kahit mangilan-ngilang post lamang ay talaga namang nakakagulat. Ngayon tuloy ay may agam-agam ako sa mga pangyayari. Di kaya bawiin lang ito in Uncle Google at sabihing “Sorry po, nagkamali lang – computer lamang kami at gawa ng tao lamang.” Hindi naman sa sinasabi kong wala akong tiwala sa mga blog ko (ganun na rin yun!). Malamang nga ay ganun na rin yun hehe! Una sa lahat ay di ko naman iniisip na raranggo itong Sqwander na ito. Naisip ko lamang paglaruan ang pang-check ng PR at naisulat ang pangalan ng blog na ito.

Siguro ay pinatutunayan nitong ang WordPress ay may malaking impluwensya sa SEO o Search Engine Optimization. Bakit kamo? Dahil di ko naman naisiping ipatala o gawing publiko ang blog na ito – espesyal lang ang nakakaalam ng blog na ito (kung nababasa mo ito ay espesyal ka kaibigan). Ang ibig kong sabihin ay hindi ko na-submit ang blog na ito sa tatlong nangungunang search engine sa buong mundo at unang-una na rito si Uncle Google, matapos ay sa Yahoo at sa Bing ng MSN.

Kung gayon, ano nga kaya ang batayan ng ranking na ipinalabas ni Uncle Google? Pasensya na pero tinatamad akong mag-research kaya kung may sagot kayo ay comment na lang po kayo. Maraming salamat sa inyong pag-sqwander.

At dahil diyan, arms-wayd-open ko pong tinatanggap ang sinumang nagnanais na madagdag sa aking blogroll ng walang kwentang blog na ito kapalit ang walang sawang pagpapakumbaba niyo na isali ang walang kwentang blog na ito sa inyong blog roll. Muli po ay maraming salamat.

Filed under diary-yeah!, sqwanderer · Tagged with pagerank